Jose Mourinho, stjóri Manchester United, vildi ekki gagnrýna leikmenn sína eftir óvænt 1-0 tap gegn Basel í Meistaradeildinni í gærkvöldi.
Stig í leiknum í gær hefði gulltryggt sæti United í 16-liða úrslitum en mark Michael Lang undir lokin kom í veg fyrir það.
Stig í leiknum í gær hefði gulltryggt sæti United í 16-liða úrslitum en mark Michael Lang undir lokin kom í veg fyrir það.
„Við spiluðum gegn liði sem var með fimm varnarmenn. Við vissum það," sagði Mourinho eftir leik.
„Við reyndum að spila með þrjá sóknarmenn og það gekk í fyrri hálfleik því að þeir réðu ekki við okkur."
„Við skoruðum ekki í síðari hálfleik því að við vissum að eitt stig myndi duga."
„Þegar við höfðum ekki skorað eftir 75-80 mínútur þá reyndum við ekki að vinna heldur reyndum við að stjórna leiknum og á endanum töpuðum við."
„Það er erfitt fyrir mig að vera svekktur með leikmennina. Í fyrri hálfleik var hugarfarið gott og fótboltinn góður. Það er mjög erfitt að kenna einhverjum um. Svona er bara fótboltinn."
Athugasemdir