Það er álag á dómnefnd Fótbolta.net en fyrr í dag var opinberaður listi yfir tíu nýjar stjörnur í Pepsi-deildinni þetta sumarið.
Nú birtum við lista yfir leikmenn í deildinni sem dómnefndin vill sjá meira frá!
Rétt eins og við valið á fyrri listanum voru menn alls ekki sammála en komust að niðurstöðu að lokum. Lesendur geta mótmælt í ummælakerfinu.
Nú birtum við lista yfir leikmenn í deildinni sem dómnefndin vill sjá meira frá!
Rétt eins og við valið á fyrri listanum voru menn alls ekki sammála en komust að niðurstöðu að lokum. Lesendur geta mótmælt í ummælakerfinu.
10. Pálmi Rafn Pálmason (KR) - Fór ansi hægt af stað eftir miklar væntingar en hefur verið að finna taktinn að undanförnu. Var mjög góður í síðasta leik og í raun óheppinn að slefa inn á þennan lista...
9. Marko Andelkovic (ÍA) - Serbneskur miðjumaður sem miklar vonir voru bundnar við. Hann er kominn á bekkinn og það segir það sem segja þarf.
8. Ellert Hreinsson (Breiðablik) - Byrjaði ekki með flugeldasýningunni sem búist var við en þetta horfir allt til betri vegar og hann er kominn með tvö mörk.
7. Ólafur Karl Finsen (Stjarnan) - Að margra mati besti leikmaður síðasta sumars hefur átt of marga slaka leiki í ár.
6. Guðjón Árni Antoníusson (Keflavík) - Það hafa verið ákaflega fáir ljósir punktar í Keflavíkurliðinu í sumar. Heimkoma Guðjóns hefur ekki verið eftir væntingum.
5. Jonathan Glenn (ÍBV) - Markakóngur deildarinnar í fyrra þarf að sýna meira ef ÍBV ætlar að halda sæti sínu í þessari deild.
4. Hólmar Örn Rúnarsson (Keflavík) - Hér er hægt að skrifa sama texta og var við umsögnina um Guðjón Árna.
3. Stefán Logi Magnússon (KR) - Hefur virkað gríðarlega óöruggur í rammanum og þarf að finna sig betur. Margir stuðningsmenn hafa sett spurningamerki.
2. Ingimundur Níels Óskarsson (Fylkir) - Hefur verið skugginn af sjálfum sér og virðist skorta sjálfstraust. Flestir bjuggust við miklu frá honum í appelsínugula búningnum í sumar.
Athugasemdir