Sex mjög svo skemmtilegum leikjum var fyrir stuttu að ljúka í ensku úrvalsdeildinni. Það er alltaf nóg að gera á þessum tíma í ensku úrvalsdeildinni, en dagurinn í dag var ekkert öðruvísi hvað það varðar.

Liverpool er á miklu róli, en þeir mættu Hull City í sjónvarpsleiknum í dag. Úrslitin voru eiginlega aldrei spurning í þessum leik, en Liverpool leiddi 3-0 í hálfleik með mörkum frá Adam Lallana, James Milner og Sadio Mane. Hull náði að minnka muninn í upphafi seinni hálfleiks, en Philippe Coutinho og James Milner svöruðu með tveimur mörkum fyrir Liverpool og lokatölur 5-1 á Anfield í dag. Liverpool spilaði einum fleiri frá 29. mínútu, en þá fékk Ahmed El-Mohamamdy rauða spjaldið.

Það er ekkert sem stöðvar Manchester City og Swansea reyndist ekkert sérstaklega mikil fyrirstaða í dag. Sergio Aguero kom City-mönnum yfir á níundum mínútu, en Fernando Llorente jafnaði stuttu síðar Aguero og Raheem Sterling sáu þó til þess að City tók öll þrjú stigin með mörkum í seinni hálfleik. Gylfi Þór Sigurðsson spilaði allan leikinn hjá Swansea.

Everton tapaði sínum fyrsta leik á þessu leiktímabili á útivelli gegn Bournemouth og Son Heung-Min er í miklu stuði þessa daganna hjá Tottenham, en hann sæti bæði mörkin er liðið hafði betur gegn Middlesbrough á útivelli.

Hún var ótrúleg endurkoman hjá Crystal Palace gegn Sunderland. Jermain Defoe kom Sunderland í 2-0, en leikmenn Palace gáfust ekki upp, komu til baka og unnu leikinn. Sunderland hefur ekki enn unnið leik á þessu tímabili og sömu sögu má segja af Stoke sem náði þó stigi gegn West Brom.