Fótbolti.net

fös 24. nóvember 2017 12:00

Magnús Már Einarsson

Ólafur Darri spáir í leiki helgarinnar á Englandi

Ólafur Darri Ólafsson.

Mynd: Getty Images

Skorar Harry Kane sex mörk um helgina?

Mynd: Getty Images

Siggi Dúlla var með sex rétta þegar hann spáði í leikina á Englandi um síðustu helgi.

Leikarinn þekkti Ólafur Darri Ólafsson spáir í leikina að þessu sinni.

„Bara þannig að það sé á hreinu þá veit ég ekkert um fótbolta svo að þeir sem eru að leita sér að hjálp með Lengju seðilinn væru örugglega í góðum málum ef þeir færu gegn minni spá í öllum aðalatriðum," sagði Ólafur Darri þegar hann skilaði spá sinni.

West Ham 0 - 1 Leicester (20:00 í kvöld)
Hvað skal segja, ég vona að Lester (þannig er það víst borið fram) vinni þetta.

Crystal Palace 0 - 0 Stoke (15:00 á morgun)
Er ekki flestum sama hvernig þessi fer, (ja nema kannski þeim sem halda með liðunum, já og leikmönnunum… og þjálfurum og sjúkraliðum liðanna og fokkit) segjum bara jafntefli.

Man Utd 4 - 0 Brighton & Hove Albion (15:00 á morgun)
United étur þennan leik. 4 - 0?

Newcastle 0 - 1 Watford (15:00 á morgun)
Ég er eiginlega viss um að Watford tekur þennan leik 0-1.

Swansea 2 - 0 Bournemouth (15:00 á morgun)
Ég vil að liðið hans Gylfa (ok ég veit hann spilar ekki með þeim núna en hann hefur farið þangað tvisvar áður og fer líklega aftur svo ég held tryggð minni við liðið) vinni þennan leik.

Tottenham 7 - 0 WBA (15:00 á morgun)
Gísla Gotta vegna vona ég að þessi leikur fari 7-0 fyrir Totturum og að Harry Kane skori sexu.

Liverpool 2 - 0 Chelsea (17:30 á morgun)
Poolarar örugglega ennþá fúlir yfir Evrópuleiknum. Spíttbátarnir Salah og Mané taka Chelsea í kennslustund.

Southampton 0 - 2 Everton (13:30 á sunnudag)
Ég er að vona að Everton taki sig á í valkvíðanum og finni sér nýjan þjálfara. Einhvern sem passar vel upp á Gylfa okkar. Gylfi skorar núna, hann lagði upp í síðustu viku. Koma svo!

Burnley 1 - 0 Arsenal (14:00 á sunnudag)
Burnsley eru búnir að vera rosalegir og ég held að þeir taki þetta á heimavelli.

Hudderfield 0 - 3 Manchester City (16:00 á sunnudag)
City eru óstöðvandi. Þeir taka þennan leik.

Fyrri spámenn:
Gunnar Jarl Jónsson (6 réttir)
Haukur Páll Sigurðsson (6 réttir)
Lillý Rut Hlynsdóttir (6 réttir)
Siggi Dúlla (6 réttir)
Steindi Jr (6 réttir)
Gummi Ben (5 réttir)
Logi Bergmann (5 réttir)
Viðar Skjóldal - Enski (5 réttir)
Birkir Már Sævarsson (4 réttir)
Gunnhildur Yrsa Jónsdóttir (4 réttir)
Gunnar Heiðar Þorvaldsson (3 réttir)
Jón Ragnar Jónsson (1 réttur)

		L	U	J	T	ms:	mf:	mun	Stig
1	Arsenal	34	24	5	5	82	26	+56	77
2	Man City	33	23	7	3	80	32	+48	76
3	Liverpool	34	22	8	4	75	34	+41	74
4	Aston Villa	34	20	6	8	71	50	+21	66
5	Tottenham	32	18	6	8	65	49	+16	60
6	Man Utd	33	16	5	12	51	50	+1	53
7	Newcastle	33	15	5	13	69	54	+15	50
8	West Ham	34	13	9	12	54	63	-9	48
9	Chelsea	32	13	8	11	61	57	+4	47
10	Bournemouth	34	12	9	13	49	60	-11	45
11	Brighton	33	11	11	11	52	54	-2	44
12	Wolves	34	12	7	15	46	54	-8	43
13	Fulham	34	12	6	16	50	54	-4	42
14	Crystal Palace	34	10	9	15	44	56	-12	39
15	Brentford	34	9	8	17	52	59	-7	35
16	Everton	34	11	8	15	36	48	-12	33
17	Nott. Forest	34	7	9	18	42	60	-18	26
18	Luton	34	6	7	21	47	75	-28	25
19	Burnley	34	5	8	21	37	69	-32	23
20	Sheffield Utd	34	3	7	24	33	92	-59	16