Nýliðar KA fengu Víkinga í heimsókn úr Fossvoginum í fyrsta leik dagsins í Pepsi-deild karla.

Víkingar voru betri í fyrri hálfleik en náðu ekki að skora og refsuðu heimamenn snemma í síðari hálfleik, þegar Ásgeir Sigurgeirsson komst inn í skelfilega sendingu Arnþórs Inga Kristinssonar og skoraði.

Heimamenn sóttu í sig veðrið eftir markið og náðu að tvöfalda forystuna eftir frábært samspil milli Emil Lyng og Elfars Árna Aðalsteinssonar.

Bjarki Þór Viðarsson kom inn á 72. mínútu en virtist bjarga með hendi á marklínunni nokkrum mínútum síðar og fékk rautt spjald fyrir. Vladimir Tufegdzic skoraði úr vítaspyrnunni og lífgaði þannig verulega upp á leikinn.

Víkingar reyndu hvað þeir gátu að minnka muninn á lokakafla leiksins og það hafðist á lokasekúndum uppbótartímans, þegar Alex Freyr Hilmarsson kláraði með marki eftir laglega fyrirgjöf frá Dofra Snorrasyni.

KA er því með 8 stig eftir 5 umferðir og Víkingar eru með 4.