Man Utd er tilbúið að bjóða Angel Di Maria í skiptum fyrir Edinson Cavani, framherja PSG. (Star on Sunday)

Louis van Gaal, stjóri Man Utd, hyggst reyna við hægri bakvörð Everton, Seamus Coleman en þessi 26 ára Íri er verðmetinn á 20 milljónir punda. (Sun)

Meira af Man Utd. Félagið hefur náð samkomulagi við Southampton um kaup á Morgan Schneiderlin fyrir 25 milljónir punda og mun næst snúa sér að markverði Ajax, Jasper Cillesen. (Sunday Mirror)

Ronald Koeman, stjóri Southampton, er tilbúinn með arftaka fyrir Schneiderlin en hann mun kaupa Jordy Clasie frá Feyenoord fyrir 10 milljónir punda og Idrissa Gueye frá Lille fyrir 7 milljónir punda. (Sunday Express)

Liverpool er í viðræðum við sænska U21 árs landsliðsmanninn Ludwig Augustinsson en hann er 21 árs gamall miðvörður sem spilar með FCK í Danmörku. (Sunday Mirror)

Fabian Delph getur yfirgefið Aston Villa fyrir aðeins 8 milljónir punda í sumar en klásúla í nýjum samningi hans við félagið segir að berist tilboð frá liði í evrópukeppni upp á þessa upphæð verði félagið að taka því. (Telegraph)

Man City mun fara á fullt á leikmannamarkaðnum í þessari viku þegar Txiki Begiristain, yfirmaður leikmannamála, kemur úr sumarfríi. Raheem Sterling er fyrsta skotmark félagsins. (Sun)

Real Madrid hefur sagt Man Utd að félagið verði að borga 63 milljónir punda fyrir hinn 29 ára Sergio Ramos. (Sunday People)

Nigel Pearson, stjóri Leicester, íhugar að gera 7 milljón punda tilboð í Stewart Downing en West Ham hefur gefið út að Downing sé til sölu. (Telegraph)

Carlos Bacca er að ganga í raðir AC Milan eftir að ítalska félagið gerði 21 milljón punda tilboð í Kólumbíumanninn sem hefur slegið í gegn með Sevilla. (Gazzetta dello Sport)

Liverpool hefur gert 15 milljón punda tilboð í Asier Illaramendi, 25 ára miðjumann Real Madrid. (Sunday People)