Alfreð fagnar sigurmarki sínu.
Arsenal fer hræðilega af stað í Meistaradeild Evrópu en liðið hefur tapað fyrstu tveimur leikjum sínum, fyrst gegn Dinamo Zagreb og svo í kvöld gegn Olympiakos þar sem Alfreð Finnbogason skoraði sigurmarkið.
Arsene Wenger útskýrir tapið í kvöld á þá leið að um óheppni og einbeitingarleysi hafi verið að ræða.
Arsene Wenger útskýrir tapið í kvöld á þá leið að um óheppni og einbeitingarleysi hafi verið að ræða.
„Það er auðvitað enn möguleiki á að komast áfram en það er erfitt að kyngja því að tapa leik á þennan hátt. Við töpuðum vegna einbeitingarleysis varnarlega og óheppni. Þeir áttu fjögur skot á markið og við fengum þrjú mörk á okkur," segir Wenger.
„Vendipunkturinn var þegar staðan var 2-2, við vorum nýbúnir að jafna og þeir skora strax á eftir. Ef það hefði haldist 2-2 í fimm mínútur hefðum við á endanum unnið."
David Ospina var í marki Arsenal í kvöld meðan Petr Cech var hvíldur á bekknum. Ospina gerði herfileg mistök í öðru marki Olympiakos.
„Markvörður getur gert mistök sem útskýrir ekki af hverju við töpuðum leiknum. Þetta gerðist líka fyrir Petr Cech á þessu tímabili," segir Wenger og er þar að meina tapleik Arsenal gegn West Ham.
Athugasemdir
