Enska félagið Crystal Palace hefur boðið 13 milljónir punda í Andros Townsend, leikmann Newcastle. Hann er nú á leið til London þar sem hann mun undirgangast læknisskoðun.
Townsend gekk til liðs við Newcaste frá Tottenham í janúar og þrátt fyrir fína frammistöðu tókst honum ekki að hjálpa liðinu að forða sér frá falli.
Hann var með klásúlu í samningi sínum sem sagði að hann mætti fara fyrir 13 milljónir. punda.
Hann mun fara í læknisskoðunina í kvöld og skrifa í kjölfarið undir fimm ára samning.
Townsend er 24 ára gamall Englendingur og hefur hann spilað 11 landsleiki fyrir England. Hann var þó ekki valinn í lokahóp liðsins fyrir EM.
Athugasemdir