Diego Costa heldur áfram að blómstra.
Diego Costa heldur áfram á beinu brautinni í ensku úrvalsdeildinni. Hann smellpassar inn í leikstíl Chelsea sem trónir á toppi deildarinnar. Hér að neðan má sjá úrvalslið vikunnar í öllu sínu veldi en Goal.com valdi.
Hugo Lloris er í markinu eftir flotta frammistöðu gegn Arsenal. Eftirminnilegust er varsla hans eftir skalla Per Mertesacker.
Cesar Azpilicueta heldur áfram að vera sem klettur í vörn Chelsea en liðið hélt hreinu gegn Aston Villa og vann 3-0. Younes Kaboul, fyrirliði Tottenham, var flottur í 1-1 jafnteflinu gegn Arsenal. Phil Jagielka mun seint gleyma leiknum gegn Liverpool en hann skoraði sannkallað "jagerbomb" í uppbótartíma og jafnaði leikinn fyrir Everton.
Southampton vann 2-1 sigur gegn QPR og komst í annað sæti deildarinnar. Ryan Bertrand braut ísinn fyrir heimamenn. Jordan Henderson heldur áfram að skína í búningi Liverpool og var sannkallaður vinnuþjarkur á laugardag.
Graham Dorrans var arkitektinn bak við 4-0 sigur West Brom gegn Burnley. Skoraði eitt og lagði upp tvö ásamt því að eiga 94% heppnaðar sendingar. Willian er einnig í liðinu eftir flotta frammistöðu gegn Aston Villa.
Saido Berahino er spennandi leikmaður og skoraði í tvígang fyrir West Brom í sigrinum gegn Burnley. Hann veitir Diego Costa og Graziano Pelle félagsskap í sóknarleik úrvalsliðsins. Pelle sem Southampton keypti frá Feyenoord í sumar skoraði fjórða deildarmark sitt á tímabilinu og það gull af marki!
Sjá einnig:
Fyrri úrvalslið í enska boltanum
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
