Santos til Vasco þar til hann fær atvinnuleyfi (Staðfest)

Chelsea hefur því samþykkt að lána hann til uppeldisfélagsins Vasco da Gama endurgjaldslaust. Chelsea borgar laun leikmannsins gegn því að Vasco leyfi honum að taka þátt í HM U20 ára landsliða.

Santos er mikilvægur hlekkur í U20 landsliði Brasilíu og nægir að spila nokkra leiki á HM til að uppfylla þau skilyrði sem var ábótavant í umsókninni um atvinnuleyfi á Englandi. Chelsea lánar hann því aftur til Vasco svo að hann geti fengið atvinnuleyfi.

Santos er 18 ára gamall miðjumaður sem er öflugur bæði varnar- og sóknarlega. Hann er afar markheppinn og skoraði 6 mörk í 8 leikjum er U20 landsliðið vann Suður-Ameríkubikarinn á dögunum. Hann bar fyrirliðaband Brasilíu og var markahæsti leikmaður mótsins.