Malen, Maguire, Rashford, Greenwood, Yoro, Eriksen og fleiri góðir í slúðri dagsins
banner
   mán 03. ágúst 2020 06:00
Ívan Guðjón Baldursson
Haaland og Messi í fimmta sæti í baráttunni um gullskóinn
Mynd: Getty Images
Ciro Immobile, ítalskur sóknarmaður Lazio, fær evrópska gullskóinn fyrir að vera markahæsti leikmaður deildakeppna í Evrópu.

Immobile skoraði 36 mörk á deildartímabilinu og lýkur því keppni með 72 stig. Robert Lewandowski er í öðru sæti með 34 mörk og er Cristiano Ronaldo í þriðja með 31.

Timo Werner, sem er búinn að skipta yfir til Chelsea, kemur í fjórða sæti með 28 mörk fyrir RB Leipzig.

Í fimmta sæti eru Lionel Messi og Erling Braut Haaland báðir með 50 stig. Messi gerði 25 mörk fyrir Barcelona á meðan Haaland skoraði 16 fyrir RB Salzburg og 13 fyrir Borussia Dortmund.

Mörk Haaland fyrir Dortmund telja tvöfalt eins og í stærstu deildum Evrópu á meðan mörkin hans fyrir Salzburg margfaldast með 1,5.

Jamie Vardy og Romelu Lukaku deila sjöunda sætinu og eru tveir leikmenn úr austurrísku og svissnesku deildunum saman í níunda sæti.

Topp 10:
1. Ciro Immobile (Lazio) 36 mörk - 72 stig
2. Robert Lewandowski (Bayern) 34 mörk - 68 stig
3. Cristiano Ronaldo (Juventus) 31 mark - 62 stig
4. Timo Werner (RB Leipzig) 28 mörk - 56 stig
5. Lionel Messi (Barcelona) 25 mörk - 50 stig
5. Erling Haaland (Salzburg, Dortmund) 29 mörk - 50 stig
7. Jamie Vardy (Leicester) 23 mörk - 46 stig
7. Romelu Lukaku (Inter) 23 mörk - 46 stig
9. Shon Weissman (Wolfsberg) 30 mörk - 45 stig
9. Jean-Pierre Nsame (Young Boys) 30 mörk - 45 stig
Athugasemdir
banner
banner