Gabríel Aron Sævarsson er leikmaður umferðarinnar.
Eiríkur Þorsteinsson Blöndal.
Fyrsta umferð Lengjudeildarinnar er að baki. Umferðinni lauk með 1-0 sigri ÍR gegn Völsungi í Egilshöll á laugardag en aðrir leikir umferðarinnar voru spilaðir á föstudag.
LEIKMAÐUR UMFERÐARINNAR
Gabríel Aron Sævarsson skoraði eitt mark og lagði upp annað í 3-1 útisigri Keflavíkur gegn Fjölni í Egilshöll. Þessi nítján ára sóknarleikmaður var sífellt að ógna varnarlínu Fjölnismanna. Áður en fyrsta markið kom skoraði hann líka mark sem var dæmt ólöglegt. Mjög góður dagur hjá Gabba í fyrstu umferð.
LEIKMAÐUR UMFERÐARINNAR
Gabríel Aron Sævarsson skoraði eitt mark og lagði upp annað í 3-1 útisigri Keflavíkur gegn Fjölni í Egilshöll. Þessi nítján ára sóknarleikmaður var sífellt að ógna varnarlínu Fjölnismanna. Áður en fyrsta markið kom skoraði hann líka mark sem var dæmt ólöglegt. Mjög góður dagur hjá Gabba í fyrstu umferð.
Muhamed Alghoul skoraði þriðja mark Keflavíkur og er í liði umferðarinnar. Alexander Kostic var maður leiksins í sigri ÍR og Óðinn Bjarkason sprækur í sókninni.
Þjálfari umferðarinnar er Bjarni Jóhannsson en Selfyssingar áttu öfluga byrjun með 2-1 sigri gegn Grindavík. Spánverjinn Raúl Tanque skoraði bæði mörk nýliðanna en maður leiksins var valinn Ívan Breki Sigurðsson sem lék óvænt í nýrri stöðu sem sóknarmiðjumaður.
Ólafur Kristófer Helgason markvörður Fylkis bjargaði stigi gegn Njarðvík. Hann varði vítaspyrnu og hvert dauðafærið á fætur öðru. Amin Cosic skoraði mark Njarðvíkinga í 1-1 jafntefli.
1-1 urðu lokatölur í Laugardal og í Boganum. Eiríkur Þorsteinsson Blöndal í Þrótti var maður leiksins í leik gegn Leikni en Dusan Brkovic var öflugur í vörn Breiðhyltinga. Vilhelm Ottó Biering Ottósson þótti bestur í jafnteflisleik Þórs og HK.
Lengjudeild karla
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Keflavík | 1 | 1 | 0 | 0 | 3 - 1 | +2 | 3 |
| 2. Selfoss | 1 | 1 | 0 | 0 | 2 - 1 | +1 | 3 |
| 3. ÍR | 1 | 1 | 0 | 0 | 1 - 0 | +1 | 3 |
| 4. Fylkir | 1 | 0 | 1 | 0 | 1 - 1 | 0 | 1 |
| 5. HK | 1 | 0 | 1 | 0 | 1 - 1 | 0 | 1 |
| 6. Leiknir R. | 1 | 0 | 1 | 0 | 1 - 1 | 0 | 1 |
| 7. Njarðvík | 1 | 0 | 1 | 0 | 1 - 1 | 0 | 1 |
| 8. Þór | 1 | 0 | 1 | 0 | 1 - 1 | 0 | 1 |
| 9. Þróttur R. | 1 | 0 | 1 | 0 | 1 - 1 | 0 | 1 |
| 10. Grindavík | 1 | 0 | 0 | 1 | 1 - 2 | -1 | 0 |
| 11. Völsungur | 1 | 0 | 0 | 1 | 0 - 1 | -1 | 0 |
| 12. Fjölnir | 1 | 0 | 0 | 1 | 1 - 3 | -2 | 0 |
Athugasemdir
