05.06.12 - 09:33
Daníel Freyr Jónsson
Shinji Kagawa til Manchester United (Staðfest)
Shinji Kagawa.
Mynd: Getty Images
Shinji Kagawa.
Mynd: Getty Images
Manchester United hefur náð samkomulagi við Borussia Dortmund um kaup á Shinji Kagawa.
Leikmaðurinn hefur einnig samþykkt samningstilboð United og mun hann verða fyrstu kaup félagsins í sumar.
Samningaviðræður hafa staðið yfir í nokkrar vikur, en nú á Kagawa einungis eftir að standast læknisskoðun og fá atvinnuleyfi á Englandi.
United býst við að þau atriði renni í gegn og að félagaskiptin verði fullkláruð fyrir næstu mánaðarmót.
Þessa stundina er Kagawa staddur með japanska landsliðinu sem er að keppa í undankeppni HM 2014. Hann átti stórleik í 3-0 sigri Japans á Óman um helgina, en hann á að baki 30 landsleiki.
Þessi 23 ára gamli miðjumaður, sem einnig spilar sem vængmaður, gekk í raðir Dortmund árið 2010 frá Osaka í heimalandi sínu. Hann hefur síðan þá verið lykilleikmaður í liðinu sem varð Þýskalandsmeistari síðustu tvö tímabil. Að auki skoraði hann í 5-2 sigri Dortmund á Bayern í úrslitum þýsku bikarkeppninnar fyrir skömmu.
Kagawa mun verða fyrsti japanski leikmaðurinn í sögu Manchester United.
Samningaviðræður hafa staðið yfir í nokkrar vikur, en nú á Kagawa einungis eftir að standast læknisskoðun og fá atvinnuleyfi á Englandi.
United býst við að þau atriði renni í gegn og að félagaskiptin verði fullkláruð fyrir næstu mánaðarmót.
Þessa stundina er Kagawa staddur með japanska landsliðinu sem er að keppa í undankeppni HM 2014. Hann átti stórleik í 3-0 sigri Japans á Óman um helgina, en hann á að baki 30 landsleiki.
Þessi 23 ára gamli miðjumaður, sem einnig spilar sem vængmaður, gekk í raðir Dortmund árið 2010 frá Osaka í heimalandi sínu. Hann hefur síðan þá verið lykilleikmaður í liðinu sem varð Þýskalandsmeistari síðustu tvö tímabil. Að auki skoraði hann í 5-2 sigri Dortmund á Bayern í úrslitum þýsku bikarkeppninnar fyrir skömmu.
Kagawa mun verða fyrsti japanski leikmaðurinn í sögu Manchester United.
Heimild: Heimasíða Man Utd
