Arnar Gunnlaugsson, þjálfari Víkinga, sagði frá því á RÚV núna áðan að yngsti sonur Eiðs Smára Guðjohnsen, Daníel Tristan, hefði æft með Víkingum þegar hann var í fríi á Íslandi í sumar.
Daníel Tristan er á 15. aldursári en hann er rétt eins og bróðir sinn, Andri Lucas, á mála hjá Real Madrid á Spáni. Hann var nýverið í U17 landsliðinu.
Andri Lucas er núna í A-landsliðshópnum í fyrsta sinn og spilaði hann sinn fyrsta landsleik gegn Rúmeníu síðasta fimmtudag.
„Andri Lucas er gríðarlega efnilegur. Yngri bróðir hans æfði með okkur Víkingum í sumar og hann er kannski enn efnilegri en Andri Lucas," sagði Arnar á RÚV.
„Genin í þessari Guðjohnsen ætt er eitthvað sem KSÍ þarf eitthvað að athuga með að frysta."
Sveinn Aron, elsti bróðirinn, spilaði sinn fyrsta A-landsleik í mars gegn Liechtenstein en hann er ekki í hópnum að þessu sinni.
Andri Lucas byrjar á bekknum gegn Norður-Makedóníu í leik sem hefst 16:00.
Athugasemdir