Fyrrum leikmaður B. Munchen til Þróttar (Staðfest)

Markvörðurinn Stefán Logi Magnússon hefur gengið til liðs við Þrótt R. Stefán Logi sem að er 23 ára hefur verið á mála hjá liðum eins og Fram, Farum, Bradford, Öster og þýska stórliðinu Bayern Munchen. Hann kemur til Þróttar frá Víkingi R. en hann gekk til liðs við þá fyrir síðasta tímabil. Hann hætti hinsvegar með Víkingum á miðju tímabilii eftir að hafa þurft að vera á varamannabekknum fram að því.