Malen, Maguire, Rashford, Greenwood, Yoro, Eriksen og fleiri góðir í slúðri dagsins
   lau 06. júní 2020 19:03
Ívan Guðjón Baldursson
Æfingaleikir: Jafnt hjá ÍBV og KA - KR lagði Stjörnuna
Gunnar Örvar skoraði fyrir KA.
Gunnar Örvar skoraði fyrir KA.
Mynd: Fótbolti.net - Sævar Geir Sigurjónsson
Úrslit voru að berast úr tveimur æfingaleikjum. Annars vegar átti ÍBV heimaleik gegn KA í meistaraflokki karla og hins vegar mættust KR og Stjarnan í meistaraflokki kvenna.

Í Vestmannaeyjum var hart barist og komust Eyjamenn yfir með marki frá Bjarna Ólafi Eiríkssyni í síðari hálfleik. Gunnar Örvar Stefánsson jafnaði svo fyrir KA.

Akureyringar leika í Pepsi Max-deildinni í sumar. Eyjamenn féllu í fyrra og leika því í Lengjudeildinni í ár.

ÍBV hefur verið að gera góða hluti á undirbúningstímabilinu og stefnir beint aftur upp í efstu deild.

Í kvennaleiknum voru það Katrín Ásbjörnsdóttir og nafna hennar Katrín Ómarsdóttir sem skoruðu í 2-1 sigri KR gegn Stjörnunni.

ÍBV 1 - 1 KA
1-0 Bjarni Ólafur Eiríksson ('61)
1-1 Gunnar Örvar Stefánsson ('79)

KR 2 - 1 Stjarnan
Mörk KR:
Katrín Ásbjörnsdóttir og Katrín Ómarsdóttir

Athugasemdir
banner
banner