Breiðablik vann HK/Víking 0-1 í kvöld
Alexandra Jóhannsdóttir, leikmaður Breiðabliks
„Hún er bara rosalega góð, alltaf gott að fá þrjú stig, sama hvort það er 1-0 eða 3-0.'' Segir Alexandra Jóhannsdóttir leikmaður Breiðabliks eftir 1-0 sigur á HK/Víking í 16.umferð Pepsi max deild kvenna í kvöld.
Lestu um leikinn: HK/Víkingur 0 - 1 Breiðablik
HK/Víkingar spilaði með fimm manna varnarlínu og lágu aftarlega á vellinum. Breiðablik byrjaði leikinn að krafti og voru nánast með boltann í allan fyrri hálfleik. Þær fengu fullt af færum en skoruðu aðeins eitt mark.
„ Já, eins og þú segir þá var færanýtingin ekki góð í dag en líka erfitt að spila á móti liði sem spila bara tíu inn í teig.''
„ Mér fannst við halda boltanum ágætlega og vorum að skapa okkur færi, þannig það er bara gott.''
Það má búast við risa leik í næstu umferð Pepsi max deild kvenna en þá tekur Breiðablik á móti Val.
„ Við erum búnar með þetta núna þannig það er bara að einbeita okkur að evrópuverkefninu á miðvikudaginn þannig það er bara næsti leikur. Við einbeitum okkur bara að honum og svo er bara Vals leikurinn á eftir því.''
Viðtalið í heild sinni má sjá hér að ofan.
