Umdeildasta ákvörðun mótsins til þessa? - „Ja hérna!“
Jonathan Tah stangaði boltanum í netið en markið var dæmt af vegna brots í aðdragandanum
Mynd: EPA
Jonathan Tah stangaði boltanum í netið en markið var dæmt af vegna brots í aðdragandanum
Mynd: EPA
Afar umdeilt atvik kom upp í framlengingunni milli Paragvæ og Þýskalands í 32-liða úrslitum heimsmeistaramótsins í Boston í kvöld, en það var þegar mark var dæmt af varnarmanninum Jonathan Tah eftir hornspyrnu.
Þjóðverjar höfðu verið hættulegir í föstum leikatriðum og það bar loks árangur á 102. mínútu.
Nathaniel Brown tók þá frábæra hornspyrnu á fjærstöngina þar sem Jonathan Tah var mættur og stangaði boltann af krafti í netið.
Við fyrstu sýn virtist ekkert athugavert við markið og Þjóðverjar fögnuðu ákaft. Þegar komið var að því að taka miðju stöðvaði dómarinn hins vegar leikinn og var kallaður að VAR-skjánum.
Þar var skoðað mögulegt brot Waldemar Anton á Orlando Gill, markverði Paragvæ. Það virtist rosalega lítið í þessu og Gill virtist sækja snertinguna. Anton stóð fyrir framan markvörðinn, fór lítillega utan í hann og Gill féll í grasið.
Markið var á endanum dæmt af og báðir þjálfarar fengu að líta gula spjaldið í æsingnum sem fylgdi í kjölfarið.
„Ja hérna, sóknarbrot á Waldemar Anton. Þetta er umdeilanlegt svo sannarlega. Hvor framkallar snertinguna? Kannski leggst hann aðeins í hann en þetta er mikið álitamál en um leið og hann er sendur í skjáinn þá var þetta óumflýjanleg niðurstaða,“ sagði Hörður Magnússon í lýsingunni á RÚV.
Hægt er að sjá markið og brotið hér fyrir neðan.
Sjáðu atvikið hér
Nathaniel Brown tók þá frábæra hornspyrnu á fjærstöngina þar sem Jonathan Tah var mættur og stangaði boltann af krafti í netið.
Við fyrstu sýn virtist ekkert athugavert við markið og Þjóðverjar fögnuðu ákaft. Þegar komið var að því að taka miðju stöðvaði dómarinn hins vegar leikinn og var kallaður að VAR-skjánum.
Þar var skoðað mögulegt brot Waldemar Anton á Orlando Gill, markverði Paragvæ. Það virtist rosalega lítið í þessu og Gill virtist sækja snertinguna. Anton stóð fyrir framan markvörðinn, fór lítillega utan í hann og Gill féll í grasið.
Markið var á endanum dæmt af og báðir þjálfarar fengu að líta gula spjaldið í æsingnum sem fylgdi í kjölfarið.
„Ja hérna, sóknarbrot á Waldemar Anton. Þetta er umdeilanlegt svo sannarlega. Hvor framkallar snertinguna? Kannski leggst hann aðeins í hann en þetta er mikið álitamál en um leið og hann er sendur í skjáinn þá var þetta óumflýjanleg niðurstaða,“ sagði Hörður Magnússon í lýsingunni á RÚV.
Hægt er að sjá markið og brotið hér fyrir neðan.
Sjáðu atvikið hér
