Chiesa í skiptum fyrir Greenwood? - David til Chelsea - Buðu Palace að fá Olise aftur á láni - Slot skoðar Minteh - Varane til Miami
   þri 06. september 2022 10:00
Sæbjörn Þór Þórbergsson Steinke
Breiðablik bætti stigametið sitt
Mynd: Fótbolti.net - Hafliði Breiðfjörð
Með sigrinum í gær bætti Breiðablik stigametið sitt á Íslandsmótinu. Liðið er nú komið með 48 stig eftir tuttugu leiki og er það stigi meira en liðið náði í fyrra sem var hæsti stigafjöldi liðsins.

Í sumar hefur Breiðablik unnið fimmtán leiki, gert þrjú jafntefli og tapað tveimur leikjum.

KA, liðið í 2. sæti, er með næst flesta sigra til þessa eða ellefu. Tvær umferðir eru eftir af tvöfaldri umferð í tólf liða deild og svo tekur við fimm leikja úrslitakeppni.

Blikar eru fjórum mörkum frá eigin markameti sem eru 55 mörk skoruð. Markametið yfir öll lið í tólf liða deild er 58 mörk skoruð hjá KR sumarið 2009.

Stigametið í tólf liða deild er 52 stig sem bæði KR (2013 & 2019) og Stjarnan (2014) hafa náð. Vinni Blikar báða þá leiki sem liðið á eftir í tvöföldu umferðinni setur liðið nýtt stigamet. Tímabilið 2020 var Valur á góðri leið með að slá stigametið en mótinu var slaufað eftir átján umferðir þegar Valur var með 44 stig (2,44 stig að meðaltali í leik).

Víkingur varð Íslandsmeistari með 48 stig í fyrra.

Síðustu tveir leikir Breiðabliks:
sunnudagur 11. september
14:00 KA-Breiðablik (Greifavöllurinn)

laugardagur 17. september
14:00 Breiðablik-ÍBV (Kópavogsvöllur)
Stöðutaflan
  L U J T ms: mf: mun Stig
0 0 0 0 0 0 0 0 0
Athugasemdir
banner
banner
banner