Heimild: Akureyri.net 

Stubbur er mjög hreinskilinn þegar hann er spurður hvort hann hafi verið tilbúinn í slaginn í fyrsta leik.

„Nei, alls ekki! Ég ætla ekki að spila mig einhvern stóran karl. Mig langaði eiginlega ekkert að spila!" sagði Steinþór við Akureyri.net. Steinþór segir að markmiðið þegar hann gekk í raðir KA hefði verið að ná einum leik með uppeldisfélaginu í efstu deild.

„Mér fannst gaman að halda hreinu með uppeldisklúbbnum í fyrsta leiknum í efstu deild."

Óneitanlega skrýtið
Eftir tímabilið 2014 var Steinþór nánast hættur í fótbolta en ákvað að taka slaginn með Þór þegar Sandor Matus var markvörður Þórs. Það er eftirminnilegt þegar Steinþór spilaði sinn fyrsta leik með Þór en hann kom einmitt inn á gegn uppeldisfélaginu KA á Akureyrarvelli þegar Sandor fékk rautt spjald.

„Það er óneitanlega skrýtið að labba inn á völlinn í Þórstreyju á móti KA, en þegar allt kemur til alls verða menn að hugsa um sjálfa sig, hvað sé best fyrir þeirra feril hverju sinni.“

Steinþór kom inn á í stöðunni 1-0 fyrir KA og urðu það lokatölur leiksins.

Ekki verið léttari síðan 2010
Steinþór hrósar Branislav Radakovic markmannsþjálfara KA og segist hafa verið heppinn að hafa verið með Sandor Matus áður sem var frábær þjálfari.

„Það er frekar mataræðið sem er ekki í lagi. Ég veit að ég er of feitur sem fótboltamaður í efstu deild en hef þó aldrei verið léttari síðan 2010. Menn átta sig kannski ekki á því en ég er 10 til 15 kg léttari en oft áður, sagði Steinþór.

Smelltu hér til að lesa viðtalið í heild.