Phil Foden, leikmaður enska landsliðsins, er kominn með nýja hárgreiðslu fyrir Evrópumótið.
Hárgreiðslan hefur vakið mikla athygli en Foden var spurður að því á blaðamannafundi í dag hvort hann hefði sótt innblástur til Paul Gascoigne, fyrrum landsliðsmanns Englands, eða rapparans Eminem.
„Ég hef verið með sömu hárgeiðslu í heila eilífð og ákvað að breyta til núna," sagði Foden við blaðamenn.
„Ég vaknaði í morgun og fólk var að líkja þessu við Gazza og Eminem. Þetta var eitthvað sem mér datt í hug en fólk breytti þessu í eitthvað annað."
Foden þykir skemmtilegt að vera líkt við Gazza sem var stórkostlegur fótboltamaður á sínum tíma.
Foden er aðeins 21 árs og einn efnilegasti fótboltamaður Englendinga.
Phil Foden’s got a new look—a tribute to Paul Gascoigne at Euro ’96 ✂️ pic.twitter.com/ShMnRmAcZk
— B/R Football (@brfootball) June 8, 2021
Athugasemdir