Thomas Tuchel, þjálfari PSG, segist vera áhyggjufullur eftir að Edinson Cavani þurfti að fara meiddur af velli í kvöld.
Edinson Cavani skoraði eina mark leiksins þegar PSG tók á móti Bordeaux í frönsku úrvalsdeildinni í dag.
Markið kom úr vítaspyrnu á 42. mínútu leiksins en það var nánast það síðasta sem að Cavani gerð í leiknum vegna þess að hann var tekinn útaf í hálfleik vegna meiðsla. Talað er um að Cavani hafi meiðst á læri.
„Þetta eru ekki góðar fréttir. Sem betur fer er þetta ekki stærsti vöðvinn en þetta er nálægt honum. Við þurfum að bíða og sjá. Ég er ekki búinn að heyra í Cavani eftir leikinn."
„Það er ómögulegt að segja á þessum tímapunkti til um það hvort að hann nái leiknum gegn United. Auðvitað er maður áhyggjurfullur þegar svona gerist. Ég á ekki annan Cavani eða annan Neymar á bekknum."
Athugasemdir