mán 09. mars 2020 08:33
Magnús Már Einarsson
Henderson í markið hjá Chelsea?
Powerade
Hvar verður Dean Henderson á næsta tímabili?
Hvar verður Dean Henderson á næsta tímabili?
Mynd: Getty Images
Manchester United vonast til að halda Chong.
Manchester United vonast til að halda Chong.
Mynd: Getty Images
Ensku slúðurblöðin eru mætt með mánudagsslúðrið. BBC tók saman.



Real Madrid er að íhuga að fá Kepa Arrizabalaga (25) markvörð Chelsea í sumar. Chelsea gæti reynt að fá Marc-Andre ter Stegen markvörð Barcelona eða Dean Henderson markvörð Manchester United en hann hefur slegið í gegn á láni hjá Sheffield United. (Star)

Pep Guardiola, stjóri Manchester City, ætlar að bjóða Kevin de Bruyne (28) nýjan samning upp á 350 þúsund pund í laun á viku. (Express)

Dean Henderson (22) ætlar að fara aftur á lán á næsta tímabili ef hann fær ekki byrjunarliðssæti hjá Manchester United. (Mail)

Emre Can (26) miðjumaður Juventus segist hafa fengið tilboð frá Manchester United í janúar. Can, sem er fyrrum leikmaður Liverpool, segist ekki hafa hugsað um það í eina sekúndu en hann gekk á endanum til liðs við Dortmund á láni. (Kicker)

Arsenal gæti reynt að fá Donyell Malen (21) framherja PSV Eindhoven aftur í sínar raðir. Malen fór frá Arsenal til PSV árið 2017. (Le10Sport)

Manchester United vonast til að sannfæra hollenska kantmanninn Tahith Chong (20) að vera áfram hjá félaginu þrátt fyrir áhuga frá Barcelona, Inter og Juventus. (Sun)

Tottenham vill fá vinstri bakvörð í sumar en Borna Braisic (27) hjá Rangers er á óskalistanum. Króatinn er metinn á 22 milljónir punda. (90 Min)

Ole Gunnar Solskjær, stjóri Manchester United, segist þurfa að fá tvo til þrjá leikmenn til að geta barist um titilinn á Englandi. (ESPN)

Olivier Giroud (33) framherji Chelsea, segir að það hafi verið komið í veg fyrir félagaskipti sín til Tottenham í janúar. (90 min)

Giroud segist hafa haft áhuga á að fara til Inter í janúar. (Calciomercato)

Pierre-Emerick Aubameyang (30) segist sáttur hjá Arsenal en hann hefur verið mikið orðaður við önnur félög. (Mirror)

Chelsea er í bílstjórasætinu í baráttunni um Reece Wylie (17) miðjumann Aldershot. (Team Talk)
Athugasemdir
banner
banner
banner
banner
banner