Hjalti framlengir við KR út 2029 (Staðfest)

Hjalti er 24 ára gamall varnarmaður sem getur leyst margar stöður á vellinum. Hann er uppalinn hjá KR og hefur leikið 38 leiki fyrir félagið í deild og bikar.

Hann hefur einnig spilað með KV og Leikni en alls á Hjalti að baki 158 meistaraflokksleiki og hefur skorað sjö mörk.

KR greinir frá því á Facebook-síðu sinni að Hjalti hafi skrifað undir nýjan þriggja ára samning við félagið.

Hann hefur komið við sögu í fimm leikjum í Bestu deildinni á tímabilinu og einum í Mjólkurbikarnum.

Þá á Hjalti að baki 24 leiki með yngri landsliðum Íslands.