Aguero átti að spila sinn fyrsta byrjunarliðsleik síðan í október þegar Man City mætti Birmingham í FA-bikarnum í dag en var ekki í hóp.

Argentínski sóknarmaðurinn er ekki með veiruna sem stendur en það getur tekið nokkra daga fyrir hana að birtast og því ekki hægt að leyfa Agüero að umgangast annað fólk næstu tíu daga.

Agüero missir af leikjum gegn Brighton á miðvikudaginn og Crystal Palace um næstu helgi.

Þetta er mikill skellur bæði fyrir Agüero og Man City, þar sem sóknarmaðurinn hefur fengið lítinn spiltíma sökum meiðsla og hefur City verið án margra leikmanna vegna veirunnar skæðu.