Siggi Höskulds með Atla Sigurjónssyni sem skoraði fimm mörk í kvöld.
5-1 sigur í kvöld.
„Þetta var góð frammistaða. Erfiður leikur andlega á margan hátt. Við skiluðum þessu verki nokkuð vel," sagði Sigurður Heiðar Höskuldsson, þjálfari Þórs, eftir 5-1 sigur gegn Val í Lengjubikarnum í kvöld.
Athygli vakti að byrjunarlið Vals var að mestu skipað reynslulitlum mönnum sem hafa litla eða nær enga reynslu af meistaraflokki liðsins.
Athygli vakti að byrjunarlið Vals var að mestu skipað reynslulitlum mönnum sem hafa litla eða nær enga reynslu af meistaraflokki liðsins.
„Þeir hljóta bara að vera að stilla upp sínu besta liði. Það er stutt í mót og furðulegt að leikmenn eins og Tryggvi, Birkir og Hólmar komist ekki í hóp mánuði fyrir mót. Mér finnst það skrítið."
Er svekkjandi að það komi ekki sterkara lið norður?
„Nei, það skiptir mig engu máli. Ég vel ekki liðið þeirra og þeir velja ekki liðið mitt. Ég trúi ekki öðru en að þetta sé sterkasta liðið þeirra," sagði Siggi.
Býstu við öðru Valsliði þegar Þórsarar mæta þeim eftir mánuð í Bestu deildinni?
„Ég geri mér ekki grein fyrir því. Þetta er einhver stefna sem er mjög skemmtileg og gengur vel hjá þeim. Ég geri mér ekki grein fyrir því hvernig liði þeir stilla upp. Ég ætla ekki að velja liðið þeirra."
Siggi er ánægður með stöðuna á sínu liði þegar stutt er í Bestu deildina. „Eins og staðan er núna líst mér rosalega vel á okkur," sagði hann.
Þórsarar eru á leið í undanúrslit í Lengjubikarnum.
„Það er bara flott. Ég vona að við mætum liði með sömu stemningu á bekknum og andstæðingur okkar í dag. Þetta var eins og að vera mættur á Pollamótið aftur. Ég vona að það verði svipuð stemning á bekknum og í dag. Þetta var skemmtilegt."
Allt viðtalið er í spilaranum hér að ofan.
Athugasemdir
