Spænska félagið Real Madrid verður án franska miðjumannsins Aurelien Tchouameni í seinni leiknum gegn Manchester City í 8-liða úrslitum Meistaradeildar Evrópu.
Frakkinn var á hættusvæði fyrir leikinn í gær en hann var einu gulu spjaldi frá því að fara í leikbann.
Hann var ekkert að spá í því þar sem hann fékk að líta gula spjaldið eftir aðeins 40 sekúndur sem þýðir að hann verður ekki með þegar liðin mætast í Manchester í næstu viku.
Tchouameni spilaði í miðverði í leiknum en Real Madrid er með þá Eder Militao og Nacho til taks fyrir seinni leikinn.
Leikurinn í gær var einn sá skemmtilegasta í keppninni til þessa og fá áhorfendur vonandi svipaða sýningu þegar liðin mætast á Etihad-leikvanginum.
Liðin mættust í undanúrslitum á síðasta ári en þar vann Man City samanlagt, 5-1. Tímabilið á undan var það Real Madrid sem vann í undanúrslitum, 6-5.
Athugasemdir