ÍBV fór í heimsókn á Meistaravelli fyrr í dag. Leikar enduðu 1-1 en Eyjamenn sýndu mikla yfirburði. Hermann Hreiðarsson mætti ánægður í viðtal eftir leik.
Lestu um leikinn: KR 1 - 1 ÍBV
„Ég er bara svakalega ánægður og stoltur af liðinu. Við spiluðum þannig fótboltaleik að við myndum vinna 99 af 100 svona leikjum. Sláin tvisvar, stöng og brennum af víti. 4-0 hefði ekki orðið ósanngjarnt, út frá dauðafærum það er bara staðreynd. Ég er ótrúlega stoltur af liðinu. Elsti útispilarinn hjá okkur er 1999 módel."
ÍBV lentu óvænt undir.
„Auðvitað er fúlt að fá á sig mark, sérstaklega af því að það var aukaspyrna, klár aukaspyrna þegar þeir skora. En við héldum bara áfram og sköpuðum okkur ekki eitt heldur tvö þrjú færi eftir það, dauðafæri engin hálffæri. Við hættum ekkert héldum áfram að vera betri aðilinn."
Meiðslalistinn er langur hjá ÍBV
„Það er tveggja vikna pása núna, það verður nóg að gera hjá sjúkraþjálfurunum og vonandi sem styðst í alla. Það styttist í þá allaveganna."
Viðtalið má sjá í heild sinni í spilaranum hér að ofan.
Athugasemdir
