Brynjar Benediktsson í Leikni (Staðfest)

Brynjar sem er 22 ára gamall er að koma til landsins að nýju eftir að hafa verið í námi í Bandaríkjunum í vetur.

Hann hafði hafið meistaraflokksferil sinn með FH sumarið 2009 þegar hann spilaði sex leiki með liðinu í deild og bikar.

Hann var svo lánaður til Leiknis sumarið 2010 og skoraði þá fimm mörk í 21 leik fyrir félagið.

Á síðasta ári var hann lánaður til ÍR frá FH og spilaði 16 leiki og skoraði fjögur mörk.

Hann gengur nú aftur í raðir Leiknismanna en félagið hefur verið að leita sér að sóknarmanni.

Brynjar á að baki 10 leiki fyrir U17 ára landslið Íslands.