Rulli á bekkinn hjá City (Staðfest)

Argentínski markvörðurinn Geronimo Rulli hefur verið kynntur hjá Manchester City. Hann var hjá félaginu tímabilið 2016-17 en lék ekki aðalliðsleik.

City komst að samkomulagi við Marseille um kaup á Rulli fyrir 1,7 milljón punda.

Hann er 34 ára en margir þekkja hann frá úrslitaleik Evrópudeildarinnar 2021, hann skoraði í maraþonvítakeppni gegn Manchester United áður en hann varði frá David de Gea þegar Villareal tók bikarinn.

Hann hefur spilað átta landsleiki fyrir Argentínu og spilaði síðast gegn Íslandi í vináttulandsleik rétt fyrir HM.

Rulli kemur til City til að fylla skarð James Trafford sem var seldur til Leeds. Hans hlutverk er að vera varmarkvörður fyrir Gianluigi Donnarumma sem er aðalmarkvörður City.