Barca vill Dani Olmo - Crystal Palace að bjóða í Smith Rowe - Sergi Roberto vill enska boltann - Newcastle spyrst fyrir um Madueke
   fim 13. júní 2024 12:44
Sæbjörn Þór Þórbergsson Steinke
Fær Rosenörn sénsinn í deildinni? - „Erum með tvo aðalmarkmenn"
Marhias Rosenörn.
Marhias Rosenörn.
Mynd: Fótbolti.net - Hafliði Breiðfjörð
Árni Snær hefur varið mark Stjörnunnar í deildinni.
Árni Snær hefur varið mark Stjörnunnar í deildinni.
Mynd: Fótbolti.net - Hafliði Breiðfjörð
Mathias Rosenörn átti góðan leik í marki Stjörnunnar þegar liðið sló út Þór í 8-liða úrslitum Mjólkurbikasins í gær. Þórsarar fengu nokkur fín færi en annað hvort hittu ekki rammann eða létu danska markvörðinn verja frá sér.

Stjarnan fékk Rosenörn fyrir tímabilið en hann varði mark Keflavíkur í fyrra. Sá danski hefur varið mark liðsins í bikarleikjunum en Árni Snær Ólafsson hefur varið mark liðsins í Bestu deildinni. Árni átti frábært tímabil í fyrra en hefur ekki verið jafn öflugur í ár.

Í síðustu tveimur leikjum Stjörnunnar hefur liðið fengið á sig níu mörk.

Lestu um leikinn: Þór 0 -  1 Stjarnan

Jökull Elísabetarson, þjálfari Stjörnunnar, var í viðtali við RÚV eftir leikinn í gær spurður út í markvarðarstöðuna.

„Hann er auðvitað frábær markmaður, einn af bestu markmönnum deildarinnar. Við erum í skrítinni stöðu, erum í raun með tvo aðalmarkmenn. Það er ekkert auðveld staða, sérstaklega ekki fyrir Mathias í augnablikinu. Ég treysti honum fullkomlega í hvaða leik sem er. Hann á eftir að spila fleiri leiki og það er alltaf gaman að sjá hann í liðinu," sagði Jökull.

Rosenörn er þrítugur og setti tímabilið 2022 met í færeysku deildinni þegar hann fékk einungis á sig sjö mörk allt tímabilið.

Næsti leikur Stjörnunnar er gegn FH á þriðjudaginn í Bestu deildinni.
Athugasemdir
banner
banner