Simon Charlton til Norwich (Staðfest)

Simon Charlton leikmaður Bolton Wanderers gekk í dag í raðir nýliða ensku úrvalsdeildarinnar, Norwich en kaupverðið var 250 þúsund pund. Charlton er 32 ára gamall og gerði tveggja ára samning við Norwich með möguleika á eins árs framlengingu til viðbótar. Nigel Worthington stjóri Norwich sagði í morgun að hann vonaðist til að reynsla Charlton myndi reynast sínu liði vel í baráttunni á meðal þeirra bestu. ,,Ég er hæstánægður með að fá leikmann eins og Charlton. Hann er topp atvinnumaður. Simon hefur miknn kraft og eldmóð fyrir leiknum og er góð viðbót við hópinn okkar" sagði Worthington.