Maradona nennti ekki krökkunum - „Ef þið kallið aftur Diego fer ég"

Diego Maradona er vinsæll í Argentínu enda einn besti knattspyrnumaður sögunnar.

Í dag þjálfar hann Gimnasia í heimalandinu og var hann á dögunum beðinn um eiginhandaráritun af ungum aðdáendum.

Eitthvað fóru lætin í krökkunum illa í Maradona því hann hótaði að fara ef haldið yrði áfram að kalla 'Diego' til hans. Þá segir Maradona að þau eigi að virða hann vegna þess að hann sé að sýna þeim virðingu með því að gefa þeim eiginhandaráritun.

Athyglisverð nálgun hjá Maradona en myndbrot af þessu má sjá hér að neðan.