Delaney Baie Pridham (DB) skoraði tvö mörk í leiknum og slíkt hið sama gerði Viktorija Zaicikova. Markvörður liðsins, Auður Sveinbjörnsdóttir Scheving átti frábæran leik í markinu og Liana Hinds var öflug í vörninni.

Selfoss vann 0-2 útisigur í Boganum á Akureyri gegn Þór/KA. Brenna Lovera skoraði fyrra mark Selfoss í leiknum og var öflug. Markið kom eftir stungusendingu frá Hólmfríði Magnúsdóttur sem var næstbesti leikmaður vallarins.

Best á vellinum var Emma Kay Checker sem batt vörn Selfoss saman og stýrði leikmönnum í kringum sig. Hólmfríður og Brenna eru í annað sinn í liði umferðarinnar.

Þróttur gerði markalaust jafntefli við Val og eru tveir Þróttarar í liðinu. Sóley María Steinarsdóttir var öflug í miðverðinum og Shea Moyer var góð á miðjunni.

Stjarnan og Keflavík gerðu einnig markalaust jafntefli og er Celine Rumpf varnarmaður Keflavíkur í liðinu og Ingibjörg Lúcía Ragnarsdóttir miðjumaður Stjörnunnar á miðjunni.

Fyrri lið umferðarinnar:
1. umferð