Albert Guðmundsson, leikmaður Genoa á Ítalíu, fékk lítið að spila í landsliðsverkefninu sem var að klárast.
Albert kom seint inná í gærkvöld, á 89. mínútu í 2-2 jafntefli gegn Ísrael. Fyrir fyrsta leik í landsleikjaglugganum bjuggust flestir við því að sjá Albert í byrjunarliðinu en raunin varð sú að hann spilaði allan leikinn gegn San Marínó og kom tvisvar inn á sem varamaður í leikjunum fjórum.
Albert Brynjar Ingason, sóknarmaður Fylkis og frændi Alberts, telur að það sé eitthvað furðulegt í gangi á milli leikmannsins og þjálfarans í þessu tilfelli.
„Mér finnst mjög augljóst að það er eitthvað í gangi þar. Albert var í stóru hlutverki hjá honum í verkefnunum á undan þessu. Hann skorar tvö mörk á móti Liechtenstein. Svo er hann allt í einu í engu hlutverki," sagði Albert í hlaðvarpinu Dr Football.
„Það er eitthvað í gangi þar... það er klárt mál."
„Það er eitthvað í fari Alberts sem pirrar þjálfara, þeir eru fljótir að taka einhvern pirring út á Alberti," sagði Hjörvar Hafliðason.
Arnar Þór var spurður út í sögusagnir um rifrildi á milli hans og Alberts í gær og neitaði hann því staðfastlega.
Sjá einnig:
Spurður út í sögusagnir um rifrildi við Albert - „Þetta er bara ekki satt"
Aðförin að Arnari Þór Viðarssyni er farin að minna á meðferðina á Atla heitnum Eðvaldssyni þegar hann var með liðið.https://t.co/RqZM0LcLBd
— Dr. Football Podcast (@drfootballpod) June 14, 2022
Athugasemdir