Rauðu djöflarnir unnu leikinn 4-1 og eru meðal fjögurra toppliða ensku úrvalsdeildarinnar með 10 stig eftir fjórar umferðir.

Eftir að flautað var til leiksloka tókust menn í hendur og nýttu leikmenn Newcastle tækifærið til að biðja Ronaldo um treyjuna.

Ronaldo samþykkti fyrstu beiðnina og þurfti að hafna tveimur öðrum leikmönnum Newcastle á næstu fimmtán sekúndum.

Það er ljóst að leikmenn bera gífurlega mikla virðingu fyrir Ronaldo sem er goðsögn í knattspyrnuheiminum, enda þekktur sem einn af bestu leikmönnum allra tíma.