England í dag - Liverpool heimsækir Norwich

Southampton tekur á móti Burnley í fyrri leik dagsins. Liðin eru jöfn á stigum um miðja deild og hefur gengið nokkuð vel að undanförnu.

Jóhann Berg Guðmundsson verður ekki með í leikmannahópi Burnley vegna meiðsla. Ben Gibson er einnig meiddur og er Ashley Barnes tæpur.

Síðar í dag á botnlið Norwich heimaleik við topplið Liverpool sem hefur aðeins tapað tveimur stigum allt deildartímabilið.

Liverpool er með ótrúlega 22 stiga forystu á meðan Norwich er sex stigum frá næsta liði í botnbaráttunni.

Xherdan Shaqiri er meiddur en Sadio Mane og James Milner gætu spilað eftir að hafa verið að glíma við meiðsli.

Leikir dagsins:
12:30 Southampton - Burnley (Síminn Sport)
17:30 Norwich - Liverpool (Síminn Sport)