Besta deildin: Framarar á miklu skriði

Framarar unnu öflugan 4-3 sigur á KA í 10. umferð Bestu deildar karla á Greifavellinum á Akureyri í kvöld. Fimm mörk voru skoruð í fyrri hálfleiknum og hafa Framarar unnið sex af síðustu sjö leikjum sínum.

KA hafði byrjað mótið illa og aðeins náð í þrjá sigra, og tapað síðustu tveimur á meðan Framarar hafa verið á miklu flugi og ekki tapað leik síðan í lok apríl.

Þorri Stefán Þorbjörnsson kom Fram yfir á 6. mínútu er hann skallaði Haralds Einars Ásgrímssonar í netið. Góður snúningur kom á boltann sem fór af stönginni og inn.

Markaskorarinn var síðan sofandi á verðinum nokkrum mínútum síðar. Hann var að dútla með boltann er Oliver Heiðarsson kom á blindu hliðina, pota boltanum til Hallgríms Mar Steingrímssonar sem jafnaði metin.

KA kom boltanum aftur í netið á 11. mínútu er Birgir Baldvinsson náðu að troða honum yfir línuna á fjærstönginni en Elías Ingi Árnason, dómari leiksins, tók markið af við mikla óánægju gestanna.

Áfram héldu KA-menn að sækja og skömmu síðar kom annað markið er Sveinn Margeir Hauksson fékk boltann eftir sendingu Hallgríms og setti boltann framhjá Viktori í markinu.

Framarar náðu að snúa leiknum sér í hag á átta mínútunum. Freyr Sigurðsson fiskaði vítaspyrnu á Birgi á 34. mínútu og jafnaði Atli Þór Jónasson úr spyrnunni áður en hann gerði annað mark sitt undir lok hálfleiksins.

Þeir sundurspiluðu KA áður en Freyr tók skotið en það var varið á línu áður en Atli skoraði.

Fimm mörk í fyrri hálfleik en það var ekki alveg sama markaveislan í þeim síðari.

Framarar voru sterkari og náðu að koma boltanum í netið í fjórða sinn er Freyr skoraði á nærstönginni eftir fyrirgjöf Róberts Haukssonar, sem hafði stolið boltanum af Jakobi Snæ Árnasyni.

KA tókst að gera þetta að leik er Jóan Símun Edmundsson minnkaði muninn niður í eitt mark á 84. mínútu. Hallgrímur fann Jóan sem hamraði honum framjá Viktori.

Lengra komst KA ekki og var það Fram sem fagnaði enn einum sigrinum og eru nú með 23 stig í þriðja sætinu, tveimur stigum frá KR sem er í öðru sæti á meðan KA er í 9. sæti með 10 stig.