15.08.26 - 10:35
Brynjar Ingi Erluson
PSG kaupir Ferran frá Barcelona (Staðfest)
Mynd: PSG
Mynd: PSG
Evrópumeistarar Paris Saint-Germain hafa staðfest kaupin á spænska framherjanum Ferran Torres frá Barcelona. Kaupverðið er 50 milljónir evra og skrifaði hann undir fimm ára samning í dag.
Ferran er 26 ára gamall og getur leyst nokkrar stöður í sókninni. Hann hefur leikið með Barcelona síðustu fjögur ár og staðið sig vel.
Hann skoraði 21 mark í öllum keppnum á síðustu leiktíð og var síðan hetja Spánverja á heimsmeistaramótinu í síðasta mánuði. Ferran skoraði sigurmarkið gegn Argentínu í úrslitaleiknum.
PSG sýndi honum áhuga fyrir mótið og hóf viðræður við Barcelona eftir að því lauk. Félögin náðu munnlegu samkomulagi á dögunum og fékk Ferran í kjölfarið leyfi til að ferðast til Parísar og ganga frá félagaskiptunum.
Þar hittir hann aftur fyrir samlanda sinn Luis Enrique, sem gaf honum fyrsta tækifærið með spænska landsliðinu árið 2020.
„Ég er hæstánægður með að hefja þetta nýja ævintýri hjá jafn metnaðarfullu félagi og Paris Saint-Germain. Ég vil þakka forsetanum Nasser Al-Khelaifi, Luis Campos og þjálfaranum Luis Enrique fyrir að gefa mér tækifæri til að ganga í raðir félagsins. Ég vonast til að geta hjálpað liðinu að vinna eins marga titla og mögulegt er,“ sagði Ferran.
Hann skoraði 21 mark í öllum keppnum á síðustu leiktíð og var síðan hetja Spánverja á heimsmeistaramótinu í síðasta mánuði. Ferran skoraði sigurmarkið gegn Argentínu í úrslitaleiknum.
PSG sýndi honum áhuga fyrir mótið og hóf viðræður við Barcelona eftir að því lauk. Félögin náðu munnlegu samkomulagi á dögunum og fékk Ferran í kjölfarið leyfi til að ferðast til Parísar og ganga frá félagaskiptunum.
Þar hittir hann aftur fyrir samlanda sinn Luis Enrique, sem gaf honum fyrsta tækifærið með spænska landsliðinu árið 2020.
„Ég er hæstánægður með að hefja þetta nýja ævintýri hjá jafn metnaðarfullu félagi og Paris Saint-Germain. Ég vil þakka forsetanum Nasser Al-Khelaifi, Luis Campos og þjálfaranum Luis Enrique fyrir að gefa mér tækifæri til að ganga í raðir félagsins. Ég vonast til að geta hjálpað liðinu að vinna eins marga titla og mögulegt er,“ sagði Ferran.
Welcome to Paris! ???????? pic.twitter.com/GcN8RqGBk8
— Paris Saint-Germain (@PSG_English) August 15, 2026
