Maurizio Sarri, knattspyrnustjóri Lazio, hefur verið dæmdur í tveggja leikja bann.
Hann var rekinn upp í stúku í 2-0 tapinu gegn AC Milan um síðustu helgi og hefur núna verið dæmdur í tveggja leikja bann. Hann verður ekki á hliðarlínunni í næstu leikjum Lazio.
Sarri var mjög ósáttur við Alexis Saelemaekers, leikmann Milan, eftir leik og lét hann heyra það. Sarri fékk rauða spjaldið fyrir það.
Sarri sakaði belgíska landsliðsmanninn um vanvirðingu. Fram kemur í dómsuppkvaðningu að Sarri hafi farið yfir strikið; verið ógnandi og staðið í hótunum. Þess vegna hafi hann verið dæmdur í tveggja leikja bann.
Leikirnir sem hann missir af eru gegn Cagliari og Torino í ítölsku úrvalsdeildinni.
Athugasemdir