Alexandra Jóhannsdóttir byrjaði á bekknum þegar Fiorentina gerði 1-1 jafntefli gegn AC Milan í átta liða úrslitum ítalska bikarsins í kvöld.
Fiorentina komst yfir í fyrri hálfleik en Milan jafnaði metin strax í upphafi seinni hálfleiks. Alexandra kom inn á þegar skammt var til loka venjulegs leiktíma og tókst ekki að setja mark sitt á leikinn.
Um er að ræða tveggja leikja einvígi en liðin mætast aftur á heimavelli Fiorentina þann 28. janúar.
Cecilía Rán Rúnarsdóttir var hvíld þegar Inter gerði 1-1 jafntefli gegn Sassuolo á heimavelli. Seinni leikur liðanna er einnig 28. janúar.
Athugasemdir
