Leah Monroe, kærasta Tammy Abraham, lét Thomas Tuchel, stjóra Chelsea, heyra það á Instagram í gær.
Abraham var ekki í leikmannahóp Chelsea gegn Leicester er liðið tapaði 1-0 í úrslitaleik enska bikarsins.
Abraham er markahæsti leikmaður Chelsea á tímabilinu en hann var þrátt fyrir það ekki valinn í hóp Tuchel eins og áður hefur gerst.
Þjóðverjinn virðist ekki vera hrifinn af enska landsliðsmanninum sem gæti vel verið á förum frá Chelsea í sumar.
Olivier Giroud var á meðal varamanna Chelsea og kom hann inná er liðið tapaði leiknum.
„Hvernig í ósköpunum tekurðu þá ákvörðun að velja markahæsta leikmann liðsins ekki í hópinn fyrir úrslitin?!?" skrifaði Monroe.
„Sá sami sem skoraði mörkin til að komast svo langt í keppninni. Það er ekkert vit í þessu. Ekki einu sinni á bekknum? Þetta hlýtur að vera brandari."
Athugasemdir