Það er ekki hægt að dæma enska landsliðið á EM fyrr en liðið spilar við eina af stóru strákum mótsins.
Þetta segir Wayne Rooney, markahæsti leikmaður í sögu Englands, fyrir leik gegn Skotlandi á föstudag.
England vann fyrsta leik sinn á mótinu 1-0 gegn Króatíu og spilar svo við Skotland á föstudag.
„Þeir eiga erfiðan leik framundan gegn Skotlandi á föstudaginn," sagði Rooney.
„Eftir að hafa unnið leikinn gegn Króatíu komast þeir pottþétt þægilega í næstu umferð. Við þurfum að horfa á þá gegn Spáni, Frökkum, Portúgölum eða Belgum. Þá gæti þetta orðið erfitt."
„Það vantar reynslu í þennan hóp en það er nóg um gæði."
Athugasemdir