mán 17. febrúar 2020 06:00
Guðmundur Aðalsteinn Ásgeirsson
Winston Reid lánaður í MLS (Staðfest)
Reid fagnar hér marki með West Ham.
Reid fagnar hér marki með West Ham.
Mynd: Getty Images
Varnarmaðurinn Winston Reid hefur gengið í raðir Sporting Kansas City, sem leikur í MLS-deildinni, á láni frá West Ham.

Hinn 31 árs gamli Reid hefur glímt við erfið hnémeiðsli síðastliðin tvö ár. Hann hefur ekkert spilað í ensku úrvalsdeildinni síðustu tvö tímabil.

Hann kom til West Ham frá Midtjylland í Danmörku árið 2010 og hefur hann því verið á Englandi í tíu ár.

Hann mun núna prófa eitthvað annað og reyna fyrir sér í Bandaríkjunum. Kansas leikur sinn fyrsta leik á tímabilinu í MLS þann 1. mars næstkomandi gegn Vancouver Whitecaps.


Athugasemdir
banner
banner
banner