Jökull Elísabetarson, þjálfari Stjörnunnar.
„Við erum aldrei sáttir með annað en sigur. Þetta var erfiður leikur," sagði Jökull Elísabetarson, þjálfari Stjörnunnar, eftir 1-1 jafntefli gegn Keflavík í Bestu deildinni í kvöld.
Eftir að hafa byrjað vel er Stjarnan búið að ná í eitt stig í síðustu fimm leikjum sínum. Stigið kom í kvöld í hörkuleik gegn Keflavík.
Eftir að hafa byrjað vel er Stjarnan búið að ná í eitt stig í síðustu fimm leikjum sínum. Stigið kom í kvöld í hörkuleik gegn Keflavík.
Lestu um leikinn: Keflavík 1 - 1 Stjarnan
„Þetta er mögulega sanngjörn niðurstaða, að bæði lið fái eitthvað úr leiknum. Við hefðum auðvitað viljað meira."
Hefur Jökull miklar áhyggjur af árangri Stjörnunnar upp á síðkastið?
„Það er ekki gott að fá eitt stig í fimm leikjum. Það er aðallega bara svekkjandi. Við erum búnir að vinna okkur inn fyrir meiru en það. Skagaleikurinn var lélegur og þessi var 50/50. Að öðru leyti höfum við spilað vel. Við þurfum að jafna okkur og gera okkur klár í næsta."
Líður þér eins og það sé komin mikil pressa á þig?
„Nei, ekkert þannig. Ég er ekkert að pæla í því. Öll mín orka fer í liðið og inn á völl. Það hjálpar liðinu og leikmönnum. Það er það eina sem ég hef áhyggjur af og eyði tímanum mínum í."
Allt viðtalið er í spilaranum hér að ofan.
