Viktor Nói til Njarðvíkur (Staðfest)

Viktor Nói Viðarsson er genginn í raðir Njarðvíkur á lánssamningi sem gildir út tímabilið. Viktor Nói kemur frá FH þar sem hann hefur komið við sögu í tíu leikjum í sumar. Hann var ónotaður varamaður í sigri FH gegn Val í Bestu deildinni um síðustu helgi.

Viktor er 19 ára miðjumaður sem samdi við FH í vor eftir að hafa verið á mála hjá Gent í Belgíu.

Hann á að baki átta leiki fyrir íslenska U19 landsliðið en þar áður hafði hann leikið með unglingalandsliðum Belgíu.