Lazio 5 - 1 Sampdoria
1-0 Felipe Caicedo ('7)
2-0 Ciro Immobile ('17, víti)
3-0 Ciro Immobile ('20)
4-0 Bastos ('54)
5-0 Ciro Immobile ('65, víti)
5-1 Karol Linetty ('70)
Rautt spjald: Julian Chabot, Samp ('74)

Lazio tók Sampdoria í kennslustund er liðin mættust í fyrsta leik helgarinnar í ítalska boltanum.

Felipe Caicedo skoraði snemma leiks og tvöfaldaði Ciro Immobile forystuna með marki úr vítaspyrnu tíu mínútum síðar.

Immobile, sem er markahæstur í Serie A, bætti þriðja markinu við á 20. mínútu og var staðan 3-0 í hálfleik.

Varnarmaðurinn Bastos gerði fjórða markið eftir stoðsendingu frá Lucas Leiva og fullkomnaði Immobile þrennuna sína með marki úr vítaspyrnu á 65. mínútu.

Karol Linetty minnkaði muninn fyrir gestina en skömmu síðar fékk Julian Chabot beint rautt spjald fyrir brot sem aftasti varnarmaður.

Meira var ekki skorað og er ellefti deildarsigur Lazio í röð staðreynd.

Lazio er í þriðja sæti, þremur stigum frá toppliði Juventus. Sampdoria er fimm stigum fyrir ofan fallsvæðið, með 19 stig eftir 20 umferðir.

Immobile er búinn að skora 23 mörk í 19 deildarleikjum á tímabilinu, níu mörkum meira en Romelu Lukaku og Cristiano Ronaldo sem eru næstmarkahæstir.

STUÐNINGSSVEIT
FÓTBOLTA.NET

ALLTAF Á VAKTINNI

Fótbolti.net er alltaf á vaktinni þegar eitthvað er að frétta af fótbolta.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit