5. deild: Hamrarnir með þægilega forystu á toppnum

Kristófer Lárus Jónsson og Rúnar Freyr Egilsson tryggðu Hömrunum sigur með mörkum undir lokin, svo lokatölur urðu 2-0. Hamrarnir eru á toppi riðilsins með 22 stig eftir 9 umferðir, fjórum stigum fyrir ofan Stokkseyri sem hefur verið að misstíga sig að undanförnu. KM situr eftir á botninum með 7 stig.

RB tapaði þá heimaleik gegn Létti og er eitt stig sem skilur liðin að í neðri hluta riðilsins.

Að lokum skildu Hörður og Þorlákur jafnir á Ísafirði. Heimamenn í liði Harðar voru með forystuna allt þar til seint í uppbótartíma þegar gestirnir jöfnuðu, svo lokatölur urðu 2-2.

Liðin eru um miðja deild en Þorlákur er með fjórum stigum meira og leik til góða.

Hamrarnir 2 - 0 KM
1-0 Kristófer Lárus Jónsson ('85 )
2-0 Rúnar Freyr Egilsson ('87 )

RB 1 - 4 Léttir
0-1 Daníel Arnfinnsson ('19 )
0-2 Fróði Reyr Hákonarson ('40 )
1-2 Leonardo Norbert Mitruscsak ('42 )
1-3 Baldur Páll Sævarsson ('83 )
1-4 Markús Óli Markússon ('90 )

Hörður Í. 2 - 2 Þorlákur
0-1 Sigurður Dan Óskarsson ('16 )
1-1 Emil Leó Jónþórsson ('30 )
2-1 Emil Leó Jónþórsson ('67 )
2-2 Hlynur Freyr Kristmannsson ('97)