Enska knattspyrnusambandið hefur staðfest að Jordan Pickford, markvörður Everton, verði ekki dæmdur í leikbann fyrir brot sitt á Virgil van Dijk í grannaslagnum gegn Liverpool um helgina.

Van Dijk er á leið í aðgerð á hné og spilar líklega ekki meira á þessu tímabili eftir tæklingu Pickford.

Búið var að dæma rangstöðu þegar brotið átti sér stað en Michael Oliver, dómari leiksins, dæmdi ekkert á Pickford.

Enska knattspyrnusambandið staðfesti nú rétt í þessu að Pickford verði ekki refsað þar sem dómarar leiksins hafi séð atvikið í leiknum sjálfum.

David Coote, VAR dómari leiksins, skoðaði einnig atvikið í leiknum og ákvað að sleppa Pickford við refsingu.

STUÐNINGSSVEIT
FÓTBOLTA.NET

Tryggjum framtíð Fótbolta.net

Fótbolti.net er eini stóri fjölmiðillinn á Íslandi sem nýtur ekki ríkisstyrkja.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit