Fótbolti.net

lau 20. mars 2021 17:30

Sæbjörn Þór Þórbergsson Steinke
Györ, Ungverjaland

„Utan vallar var þetta ekki frábært og innan vallar gekk ekki neitt"

Dagur er á betri stað í dag

Klárlega, 100%!

Mynd: Fylkir

Nei, í rauninni var þetta þannig að utan vallar var ekki frábært og innan vallar gekk ekki neitt þrátt fyrir að ég væri að æfa vel.

Mynd: Mjöndalen

„Ég æfði með Fylki, eins og mögulegt var út frá takmörkunum, frá því í lok október og út árið," sagði Dagur Dan Þórhalsson aðspurður um hvenær hann æfði með Fylki á síðasta ári.

Dagur er genginn í raðir Fylki frá Mjöndalen. Í samtali við fréttaritara um áramótin sagði Dagur að hann hefði farið til Íslands vegna persónulegra ástæðna. Dagur var spurður aðeins út í hvað hefði verið í gangi.

Fyrsti hluti viðtalsins:
Dagur: Var orðið helvíti þreytt að heyra alltaf það sama aftur og aftur

Af hverju varstu að æfa með Fylki með þessum tíma?

„Það voru persónulegir hlutir, án þess að ég fari nánar út í það, sem ég var að reyna takast á við utan vallar og svo var ég ekki að spila neitt, það er blanda af báðu sem leiddi til þess að ég kom heim til Íslands. Félagið leyfði mér að fara heim í nokkrar vikur til að taka á því. Ég hélt á þessum tímapunkti að ég færi þá í Fylki en eins og ég sagði þá reyndi ég að kýla á þetta. Ég fann að það var komið gott af Mjöndalen.“

Fannst þér það virka fyrir þig að koma heim í Fylki? Varstu á betri stað?

„Já, klárlega. Þjálfaralega séð var það betra og líka leikmannalega séð. Ég átti samt marga góða vini í liðinu hjá Mjöndalen en tilfinningin og gleðin kom þegar ég mætti hjá Fylki. Það var geggjað að koma á æfingarnar og ég hafði ekkert eðilelega gaman af því. Mig langaði að fá þá tilfinningu aftur.“

Það hefur væntanlega ekki hjálpað neitt í því sem þú varst að glíma við að það var ekkert að ganga með að vera inn á vellinum?

„Nei, í rauninni var þetta þannig að utan vallar var ekki frábært og innan vallar gekk ekki neitt, og var ekki neitt, þrátt fyrir að ég væri að æfa vel. Mér fannst gott að núllstilla mig og fínt að gera það hjá Fylki og því varð þessi lending.“

Þú ert á betri stað í dag?

„Klárlega, 100%! Varðandi fótboltann er hraðari bolti í Noregi og físíkin meiri en gæði leikmanna og æfinga eru ekki mikið verri hér miðað við í Noregi þegar horft er á neðstu liðin í efstu deild og svo liðin í næstefstu deild. Auðvitað þegar þú horfir í Rosenborg, Bodö og Molde þá er alvöru munur. En á Mjöndalen og liðum í Pepsi Max-deildinni er enginn rosalegur munur," sagði Dagur Dan og var hægt að heyra að hann var glaður með að vera kominn heim.

Fyrsti hluti viðtalsins:
Dagur: Var orðið helvíti þreytt að heyra alltaf það sama aftur og aftur